សុខា ឆៃលីន
តើអ្នកមានមិត្តភក្តិប៉ុន្មាននាក់? តើអ្នកមានកល្យាណមិត្តប៉ុន្មាននាក់? អ្នកខ្លះមានមិត្តភក្តិ ច្រើន ប៉ុន្តែអ្នកខ្លះមានតែពីរបីនាក់ប៉ុណ្ណោះ។
ទោះបីជាយ៉ាងណាក៏ដោយ កល្យាណមិត្តគឺខុសពីមិត្តភក្តិធម្មតា។ មនុស្សភាគច្រើនមានកល្យាណមិត្តតែពីរបីនាក់ប៉ុណ្ណោះ ប៉ុន្តែពួកគេមានមិត្តភក្តិធម្មតាជាច្រើន។ សម្រាប់ខ្ញុំ ខ្ញុំមានកល្យាណមិត្តតែពីរនាក់គត់កាលនៅវិទ្យាល័យ។
តើខ្ញុំឲនិយមន័យកល្យាណមិត្តដោយរបៀបណា? ខ្ញុំអាចនិយាយបានថាពួកគេគឺចិត្តល្អ ចេះជួយគ្នា រួសរាយរាក់ទាក់ និងលើកទឹកចិត្ត។ ពេលរៀននៅវិទ្យាល័យ ខ្ញុំមានបញ្ហាក្នុងការសិក្សា។ មិត្តភក្តិរបស់ខ្ញុំទាំងពីរនាក់នៅជាមួយខ្ញុំ ហើយពួកគេបានលើកទឹកចិត្ត ហើយនិងបង្រៀនខ្ញុំយ៉ាងច្រើន។ ពួកគេខ្លាចថាខ្ញុំមិនអាចទៅរៀននៅសកលវិទ្យាល័យក្នុងទីក្រុងភ្នំពេញ។ ពួកគេបានព្យាយាមអស់ពីសមត្ថភាពដើម្បីជួយខ្ញុំ ព្រោះពួកគេមិនចង់ឃើញខ្ញុំធ្លាក់ថ្នាក់ទី១២។ ខ្ញុំអាចបញ្ចប់ថ្នាក់ទី ១២ ដោយសារវត្តមានរបស់ពួកគេទាំងពីរនាក់។ បើគ្មានអ្នកទាំងពីរនាក់ទេ ខ្ញុំមិនអាចបញ្ចប់ការសិក្សា ហើយមានការងារល្អបានឡើយ។ កល្យាណមិត្ត គឺសំខាន់សម្រាប់មនុស្សម្នាក់ៗ ដូច្នេះសូមបង្កើតកល្យាណមិត្តឲ្យបានច្រើន ជៀសជាងបង្កើតសត្រូវ។