ការប្រឈមមុខនឹងការភ័យខ្លាច កុំបោះបង់ & ត្រូវតែបន្តជម្នះធ្វើវា

ខ្ញុំយល់ថាភាពក្លាហានមិនមែនជាអវត្តមាននៃការភ័យខ្លាចនោះទេ ប៉ុន្តែជាជ័យជំនះលើវា។ បុរសក្លាហានមិនមែនជាអ្នកដែលមិនខ្លាចនោះទេ តែជាអ្នកដែលឈ្នះការភ័យខ្លាចនោះ។- Nelson Mandela

អត្ថន័យមួយនៃពាក្យថាខ្លាចគឺ “ការមិនហ៊ានប្រឈមមុខនឹងបញ្ហា” ដូច្នេះឃ្លាមួយថា “កុំភ័យខ្លាច” ក្នុងន័យពិតប្រាកដមានន័យថា “កុំគេចចេញពីអ្វីដែលធ្វើឱ្យអ្នកភ័យខ្លាច” ។ ការសម្រេចចិត្តពេលខ្លះវាខ្ជះខ្ជាយពេលវេលាដ៏មានតម្លៃច្រើន ប្រសិនបើអ្នកនឹងក្លាយជាមនុស្សដែលមានទំនុកចិត្ត និងសម្រេចចិត្ត នោះអ្នកនឹងសម្រេចបានច្រើនដោយការប្រឹងប្រែងតិច។ គ្មាននរណារៀនដោយមិនមានកំហុស កុំខ្វល់ខ្វាយពេកអំពីកំហុស។ អ្នកជាមនុស្សមិនល្អឥតខ្ចោះ ប៉ុន្តែអ្នកអាចរីករាយដោយសារយើងមានសមត្ថភាពក្នុងការរីកចម្រើន និងពង្រឹងសម្ថភាពខ្លួនឯង។ រៀនពីកំហុសរបស់អ្នក កែកំហុសដែលអ្នកអាចធ្វើបាន និងជឿជាក់លើខ្លួនឯង។

ប្រវតិ្តសាស្រ្តគឺពោរពេញទៅដោយឧទាហរណ៍នៃមនុស្សដែលល្បីល្បាញក្នុងការធ្វើរឿងដ៏អស្ចារ្យ ប៉ុន្តែប្រសិនបើយើងសិក្សាជីវិតរបស់ពួកគេយើងឃើញថា៖ ពួកគេទទួលរងបរាជ័យជាច្រើន មុនពេលពួកគេទទួលបានជោគជ័យ។ ភាពខ្លាំងពិតប្រាកដរបស់ពួកគេមិនមែនជាទេពកោសល្យរបស់ពួកគេច្រើនដូចការអត់ធ្មត់របស់ពួកគេទេ។ ពិចារណាឧទាហរណ៍ទាំងនេះ៖
– វីរបុរសរបស់ NBA លោក Michael Jordon ធ្លាប់ត្រូវបានកាត់ចេញពីក្រុមបាល់បោះនៅវិទ្យាល័យរបស់គាត់។
– បន្ទាប់ពីវគ្គជម្រុះលើកដំបូងរបស់ Fred Astaire គាត់ទទួលបានការវាយតម្លៃដូចខាងក្រោម៖ “គាត់មិនមានសម្ថភាពអាចសម្ដែងបាន និងអាចរាំបានបន្តិច។
– អ្នកនិពន្ធសៀវភៅលក់ដាច់បំផុត Max Lucado ដែលសៀវភៅដំបូងរបស់គាត់ដែលត្រូវបានបដិសេធមិនយកទៅបោះពុម្ពផ្សាយដោយអ្នកបោះពុម្ភ១៤នាក់។
– Walt Disney ត្រូវបានបណ្តេញចេញពីកាសែតមួយដោយសារតែគាត់មិនមានទស្សនៈវែងឆ្ងាយ។
មនុស្សទាំងនេះបានទទួលជោគជ័យក្នុងការខិតខំផ្សេងៗគ្នា ប៉ុន្តែពួកគេមានរឿងមួយដូចគ្នា គឺការតស៊ូ។ ការបដិសេធមិនបោះបង់គឺជាសញ្ញាមួយនៃទំនុកចិត្ត ហើយជាសំណាងល្អ ទំនុកចិត្តអាចជារបស់អ្នក ប្រសិនបើអ្នកជឿជាក់លើខ្លួនឯង។ បន្តធ្វើអ្វីដែលអ្នកដឹងថាជារឿងត្រឹមត្រូវសម្រាប់អ្នក ហើយនៅទីបំផុតអ្នកនឹងរីករាយជាមួយនឹងក្ដីស្រម៉ៃដែលអ្នកចង់បាន។

ជីវិតមួយដ៏រីករាយ គឺតម្រូវឱ្យយើងបោះជំហានដោយមានជំនឿជាក់ និងក្លាហាន។ មនុស្សជាច្រើនមិនពេញចិត្តនឹងជីវិតរបស់ពួកគេដោយសារតែពួកគេមិនហ៊ានសាកល្បងធ្វើរឿងថ្មីៗដែលពួកគេចង់ធ្វើ។ ពួកគេចង់រក្សាខ្លួនអោយនៅ “តំបន់សុវត្ថិភាព” ដែលអាចមានអារម្មណ៍ថាមានសុវត្ថិភាព ប៉ុន្តែមិនមែនតែងតែជាកន្លែងដែលភាពរីករាយ និងការផ្សងព្រេងនៃជីវិតអាចរកបាននោះទេ។ អ្នកមានឥទ្ធិពលលើជីវិតខ្លួន ចូរកុំឱ្យការភ័យខ្លាចរារាំងអ្នកពីការរីករាយនឹងជីវិតនោះ ហើយបំផ្លាញជោគវាសនារបស់អ្នក។ ដូចដែលខ្ញុំចូលចិត្តនិយាយថា៖ ‘មានអារម្មណ៍ថាខ្លាច ហើយធ្វើវាទោះបីជាក៏វាគួរឱ្យខ្លាចក៏ដោយ!’ លើកទឹកចិត្តខ្លួនឯងជារៀងរាល់ថ្ងៃ និងស្វែងរកអ្វីល្អៗមកដាក់ក្នុងជីវិតរបស់អ្នក។ សាកល្បងធ្វើអីដែលថ្មី នៅពេលអ្នកចាប់ផ្តើមមានអារម្មណ៍ថាជីវិតកាន់តែធុញថប់ និងគ្មានរសជាតិ សូមបន្ថែមបង្អែមជីវិតដោយការធ្វើអ្វីមួយមិនច្រំដែល។ ចាប់ផ្តើមគិតហើយនិយាយថា៖ “ខ្ញុំនឹងមិនរស់នៅក្នុងភាពភ័យខ្លាចទេ” ។
តើអ្នកនឹងធ្វើអ្វីពេលអ្នកត្រូវមានអារម្មណ៍ថាភ័យខ្លាច? តើអ្នកនឹងបោះបង់ចោលនូវអ្វីដែលកំពុងធ្វើ ឬអ្នកនឹងឈរយ៉ាងរឹងមាំតតាំងយកជ័យជម្នះ?