តើអ្នកធ្លាប់បានលឺពី”ពីធីចូលម្លប់”រឺទេ?ពីធីចូលម្លប់ជាភាសាខ្មែរគឺ“ចូលម្លប់”ដែលជាទំនៀមទំលាប់ប្រពៃណីដែលប្រារព្ធធ្វើឡើងសម្រាប់ក្មេងស្រីខ្មែរដែលនឹងក្លាយជាមនុស្សពេញវ័យឆាប់ៗ។ ពីធីចូលម្លប់ធ្លាប់ជាទំនៀមទំលាប់ប្រពៃណីក្នុងវប្បធម៌ខ្មែរ។ពេលអ្នកអានអត្ថបទនេះអ្នកនឹងដឹថាអ្វីជាពីធីចូលម្លប់និងរបៀបដែលយើងប្រារព្ធធ្វើវាឡើង។តាមពិតពិធីចូលម្លប់នេះជាពិធីមួយដែលបានបន្តធ្វើពីមួយជំនាន់ទៅមួយជំនាន់ទៀត។ការអនុវត្តនេះបានចាប់ផ្តើមក្នុងសម័យអង្គរហើយនៅតែពេញនិយមពេញរជ្ជកាលព្រះបាទនរោត្តម។ទោះជាយ៉ាងនេះក្តីពិធីនេះលែងមានការពេញនិយមទៀតហើយព្រមទាំងមានការប្រែប្រួលនិងវិវឌ្ឍទៅតាមការរស់នៅបែបទំនើបផងនៃសម័យការយើង។ពីធីចូលម្លប់ប់នឹងធ្វើឡើងនៅពេលដែលក្មេងស្រីបានក្លាយជាក្មេងជំទង់ពេញវ័យ។កាលពីមុនវាត្រូវប្រារព្ធធ្វើឡើងយ៉ាងតឹងរ៉ឹងក្នុងរយៈពេលពី៣ទៅ៦ខែអាស្រ័យទៅលើគ្រួសារនិងសមត្ថភាពហិរញ្ញវត្ថុរបស់ពួកគាត់។បច្ចុប្បន្ននេះការអនុវត្តនិងការប្រារព្ធពិធីចូលម្លប់អាចមានរយៈពេលខ្លីជាងនេះ។មានពិធីជាច្រើនក្នុងពេលចាប់ផ្ដើមពីធីចូលម្លប់ព្រមទាំងមានការចូលរួមពីព្រះសង្ឃអាចារ្យនិងសាច់ញាតិក្នុងក្រុម គ្រួសារ។ព្រះសង្ឃនិងអាចារ្យនឹងសំដែងធម៌ទេសនាហើយប្រោសព្រំដល់ក្មេងនារីនោះដូច្នោះដែលគាត់មិនគួរភ័យខ្លាចក្នុងជីវិតនាពេលអនាគតខាងមុខ។ក្រោយមកទៀតក្មេងស្រីនោះនឹងត្រូវនៅដាច់ដោយឡែកនៅក្នុងបន្ទប់ដែលមានតែម្តាយនិងស្ត្រីផ្សេងៗទៀតនៅក្នុងក្រុមគ្រួសាររបស់គាត់ហើយជៀសវាងជួបជាមួយបុរសៗណាម្នាក់ឡើយ។នៅក្នុងបន្ទប់កុមារីនោះនឹងត្រូវបានបង្រៀនពីតួនាទីសំខាន់ៗក្នុងនាមជាស្ត្រី និងរៀនពីប្រពៃណី ទំនៀមទម្លាប់ និងវប្បធម៌ខ្មែរ។
កាលពីមុន គ្រួសារភាគច្រើនអាចអនុវត្តនិងប្រារពពីធីចូលម្លប់ ប៉ុន្តែវាត្រូវការចំណាយលុយ និងពេលវេលាច្រើនសម្រាប់សង្គមបច្ចុប្បន្ន។ដូច្នេះហើយមានតែគ្រួសារមួយចំនួនប៉ុណ្ណោះ ដែលអាចរក្សាបាននូវពីធីចូលម្លប់នេះ។ជាថ្មីម្តងទៀតការអនុវត្តនិងការប្រារព្ធពិធីគឺខុសគ្នាបន្តិចបន្តួចពីកន្លែងមួយទៅកន្លែងមួយផ្សេងទៀត។
ដោយ ពេញ ស្រីស្រីលក្ខណ៍