សារៈប្រយោជន៍នៃចិត្តវិទ្យាកុមារ

ជាឪពុកម្ដាយ ឬអ្នកមើលថែកុមារម្នាក់, អ្នកប្រហែលជាត្រូវការជំនួយក្នុងការចុះសម្រុងជាមួយកូនរបស់អ្នកឱ្យបានប្រសើរជាងមុន។ កូនរបស់អ្នកប្រហែលជាមានការលំបាកជាមួយនឹងការថប់អារម្មណ៍ ការបាក់ទឹកចិត្ត កំហឹង ឬការផ្លាស់ប្ដូរដ៏ធំជាច្រើន។ ឬមួយពួកគេប្រហែលជាត្រូវការនរណាម្នាក់ដើម្បីនិយាយពីអារម្មណ៍របស់ពួកគេ។ ពេលនេះ ពួកយើងមិនកំពុងចង់មានន័យថាកូនរបស់លោកអ្នកត្រូវការជួបជាមួយអ្នកព្យាបាលចិត្តសាស្ត្រម្នាក់ជារៀងរាល់ថ្ងៃនោះទេ។ ផ្ទុយទៅវិញ ប្រសិនបើអ្នកកំពុងមានអារម្មណ៍ថាអ្នកកំពុងមានការលំបាក ឬចង់និយាយលេងជាមួយនរណាម្នាក់ពីរឿងដែលកំពុងកើតទ្បើងនៅក្នុងផ្ទះ វាប្រហែលជាមានសារៈប្រយោជន៍សម្រាប់អ្នកក្នុងការជួបពួកគេពីពេលមួយទៅពេលមួយ។ អ្នកចិត្តវិទ្យាកុមារម្នាក់អាចជួយកូនរបស់អ្នកឱ្យចេះគ្រប់គ្រងអារម្មណ៍ និងទំនាក់ទំនង។ អ្នកព្យាបាលផ្នែកចិត្តសាស្ត្រម្នាក់ក៏អាចជាអ្នកស្ដាប់ម្នាក់ដែលគាំទ្រអ្នក និងមិនវាយតម្លៃមកលើអ្នក ហើយដែលមានបទពិសោធន៍ក្នុងការជួយមនុស្សឆ្លងកាត់បញ្ហាជាច្រើនដូចជា ការបាក់ទឹកចិត្ត ការថប់អារម្មណ៍ កំហឹង និងអារម្មណ៍លំបាកៗជាច្រើនទៀត។ ចិត្តវិទ្យាកុមារ ជាផ្នែកមួយនៃចិត្តវិទ្យាដែលផ្តោតលើការស្រាវជ្រាវវិទ្យាសាស្ត្រលើការវិវត្តន៍របស់កុមារ; គ្រប់គ្រងការនិយាយ និងការធ្វើតេស្តការយល់ដឹង; ការសម្ភាសន៍ជាមួយឪពុកម្ដាយ និងគ្រូបង្រៀន; និងអន្តរកម្មជាមួយកុមារ ដើម្បីយល់ដឹងឱ្យកាន់តែប្រសើរពីទម្រង់អាកប្បកិរិយារបស់ពួកគេ។ កុមារម្នាក់ៗចំណុចខ្លាំង និងចំណុចខ្សោយដោយទ្បែកៗ ដែលនេះមានឥទ្ធិពលទៅលើរបៀបដែលពួកគេគិត មានអារម្មណ៍ និងប្រព្រឹត្ត។ ឪពុកម្ដាយ គ្រូបង្រៀន និងវេជ្ជបណ្ឌិតល្អម្នាក់ដឹងពីវិធីក្នុងការបំពេញតម្រូវការរបស់ពួកគេ។ ប៉ុន្តែវាមិនសុទ្ធតែមានភាពងាយស្រួលសម្រាប់គ្រប់គ្នានោះទេ។ ការស្វែងរកប្រព័ន្ធគាំទ្រដែលត្រឹមត្រូវ គឺពិតជាមានសារៈសំខាន់។ នេះមានន័យថាការយល់ដឹងថានៅពេលណា និងរបៀបក្នុងការស្វែងរកជំនួយសម្រាប់កូនរបស់អ្នក ក៏ដូចជាវិធី និងទីកន្លែងដើម្បីស្វែងរកជំនួយអាចជួយកូនរបស់អ្នកឈានដល់សក្ដានុពលពេញលេញរបស់ពួកគេ។