ដើម្បីអបអរសាទរពិធីបុណ្យចូលឆ្នាំប្រពៃណីជាតិខ្មែរ នាថ្ងៃទី១២ ខែមេសា ឆ្នាំ២០១៨ មជ្ឈមណ្ឌលភាសា អេ អាយ អាយ បានប្រារព្ធកម្មវិធីទិវាវប្បធម៌លើកទី១៣ នៅសាខាចាក់អង្រែ ដោយមានវត្តមានដ៏ខ្ពង់ខ្ពស់របស់លោក ឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិកនៃក្រុមហ៊ុន ម៉េងលី ជេ. គួច អេឌ្យូខេសិន។ វាជាពេលវេលាមួយដ៏មានសារៈសំខាន់បំផុត ដែលសិស្សានុសិស្ស លោកគ្រូ អ្នកគ្រូ និងបុគ្គលិកគ្រប់ផ្នែកទាំងអស់បានស្លៀកសម្លៀកបំពាក់ប្រពៃណីជាតិខ្មែរ ដែលសកម្មភាពទាំងអស់នេះបានបង្ហាញពីវប្បធម៌ ទំនៀមទម្លាប់ ប្រពៃណីជាតិខ្មែរ។
កម្មវិធីនេះមានល្បែងប្រជាប្រិយខ្មែរជាច្រើនប្រភេទ និងមានការរៀបចំដ៏ស្រស់ស្អាតដែលធ្វើឱ្យមានការទាក់ទាញយ៉ាងខ្លាំងដល់អ្នកចូលរួម។ ភាពសប្បាយរីករាយ រំភើបញាប់ញ័រ បានបង្ហាញឱ្យឃើញយ៉ាងច្បាស់មុនថ្ងៃចូលឆ្នាំខ្មែរប្រពៃណីជាតិ មកដល់។