ភាពជោគជ័យនៃស្មារតីសហគមន៍តាមរយៈតន្ត្រី៖ Aii ប្រារព្ធខួប ១៩ ឆ្នាំជាមួយនឹងការប្រគំតន្ត្រីសប្បុរសធម៌

 ភ្នំពេញ ថ្ងៃទី២៥ ខែមករា ឆ្នាំ២០២៤៖ មជ្ឈមណ្ឌលភាសា អេ អាយ អាយ (Aii) បានប្រារព្ធខួបលើកទី ១៩ របស់ខ្លួនជាមួយការប្រគំតន្ត្រីសប្បុរសធម៌ «Aii Road to 2 Decades: Concert for a Cause​»​ ​ដែលពោរពេញទៅដោយភាពសប្បាយរីករាយ និង​សម្លេងហ៊ោកញ្ជ្រៀវពីទស្សនិកជន នៅសាខាសែនសុខ​។​ ព្រឹត្តិការណ៍ដ៏អស្ចារ្យនេះ មិនត្រឹមតែជាការរាប់ថយក្រោយដល់ឆ្នាំទី ២០ របស់ក្រុមហ៊ុន ម៉េងលី ជេ. គួច អេឌ្យូខេសិន និង Aii ប៉ុណ្ណោះទេ ប៉ុន្តែថែមទាំងបង្ហាញពីសាមគ្គីភាពរបស់សហគមន៍អ្នកសិក្សារបស់ Aii តាមរយៈតន្ត្រី វប្បធម៌ និងសប្បុរសធម៌។

ក្នុងនោះមានដូចជាកម្មវិធីកម្សាន្ត និងការសម្តែងវប្បធម៌របស់សិស្សា​នុសិស្ស​ ​និង​​លោកគ្រូ អ្នកគ្រូ ជាភា​សាអង់គ្លេស ខ្មែរ ចិន និង K-pop ដែលឆ្លុះបញ្ចាំងពីភាពចម្រុះ និងទេពកោសល្យនៅក្នុងសហគមន៍ Aii។ សិស្សានុសិស្សបានឡើងបញ្ចេញសមត្ថភាពនៅលើឆាកតន្ត្រីជាមួយការសម្តែងដ៏ជក់ចិត្ត ជូនទស្សនិកជន។ ការ​ប្រគំ​តន្ត្រី​នេះ​មាន​ការចូលរួមសម្តែងពីសិល្បករ និងសិល្បការិនីល្បីៗដូចជា អ្នកនាង ម៉េង កែវពេជ្ជតា ប្អូនស្រី ម៉េង ពេជ្ជតាសង្វាពេជ្រ ក្រុមក្មេងខ្មែរ ABL Griezii, ABL JPhii និង ABL Kanez និងល្អហួស ដែល​បាន​បន្ថែមភាពឱឡារិកដល់ការប្រគំតន្ត្រី។

ហើយក្នុងនោះ ក៏មានផ្តល់ឱកាសឈ្នះរង្វាន់ជាច្រើនដូចជា សំបុត្រកុន Power Bank បណ្ឌទិញសៀវភៅជាដើម។ ចំណែកឯរង្វាន់ធំមានដូចជា ទូរសព្ទ iPhone 15 Pro នាឡិកា Apple Watch កុំព្យូទ័រយួរដៃ ប្រាក់ 1,000,000 រៀល និងរង្វាន់ភ្ញាក់​ផ្អើលបំផុត គឺសំបុត្រយន្តហោះទៅមកប្រទេសកូរ៉េខាងត្បូង។

ដើម្បីធ្វើឱ្យការប្រគំតន្ត្រីកាន់តែមានភាពរីករាយ អ្នកឧកញ៉ា វេជ្ជបណ្ឌិត គួច ម៉េងលី ដែលស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន បានដាក់សម្ពោធឱ្យប្រើប្រាស់ កម្មវិធី MENTOR ដែលជាវេទិកាភ្ជាប់ទំនាក់ទំនងអ្នកប្រើប្រាស់​ ជាមួយអ្នកណែនាំ(Mentor) លើវិស័យនានាដូចជា បច្ចេកវិទ្យា សុខភាព ការអប់រំ ការថតរូប សង្គម និងវិស័យជាច្រើនទៀត ដើម្បីចែករំលែកចំណេះដឹង ពង្រឹងជំនាញ និងពង្រីកការយល់ដឹង។

គួបញ្ជាក់ផងដែរថា ការប្រគំតន្ត្រីនេះគឺ ជាការបន្តការប្តេជ្ញាចិត្តរបស់ Aii ចំពោះការផ្តល់ការអប់រំប្រកបដោយគុណភាព និងស្មារតីសហគមន៍នៅកម្ពុជា។ ថវិកាដែលបានមកពីការរៃអង្គាសតាមរយៈការលក់សំបុត្រចូលរួមនេះ គឺជាជោគជ័យដ៏អស្ចារ្យ។

Aii មិនត្រឹមតែបានអបអរសាទរប្រវត្តិសាស្រ្តដ៏សម្បូរបែបរបស់ខ្លួនប៉ុណ្ណោះទេ ប៉ុន្តែថែមទាំងបានពង្រឹងចំណងសហគមន៍អ្នកសិក្សារបស់ខ្លួន និងបានបន្តការប្តេជ្ញាចិត្តរបស់ខ្លួនចំពោះទំនួលខុសត្រូវសង្គមផងដែរ​។ ព្រឹត្តិការណ៍នេះ មានន័យលើសពីការប្រគំតន្ត្រី វាគឺជាសញ្ញានៃក្តីសង្ឃឹម និងការរួបរួម ដែលបង្ហាញថាការអប់រំ និងតន្ត្រីអាចរួមគ្នា ដើម្បីបង្កើតឥទ្ធិពលវិជ្ជមានមួយនៅក្នុងសង្គម៕

Aii – the Window to the World.