រាជធានីភ្នំពេញ ថ្ងៃទី០៦ ខែវិច្ឆិកា ឆ្នាំ២០២៣៖ មជ្ឈមណ្ឌលភាសា អេ អាយ អាយ(Aii) បានរៀបចំកម្មវិធីសប្បុរសធម៌ «១ដុល្លារជួយជីវិត» ឬ «Share A Dollar Save Live» សហការជាមួយ មូលនិធិ ម៉េងលី ជេ. គួច (MJQF) បានពាំនាំអង្ករចំនួន១០០បាវ ត្រូវជា២តោនកន្លះ ទៅកាន់អង្គការផ្កាយសមុទ្រ (ISF Cambodia) សាខាច្បារអំពៅដែលកំពុងផ្តល់ការអប់រំជូនសិស្សានុសិស្សដែលមានជីវភាពក្រីក្រប្រមាណ៣៦០នាក់ ពីថ្នាកបឋមសិក្សា រហូតដល់ថ្នាក់មហាវិទ្យាល័យ។
លោក ឡាយ សុភា ប្រធាននៃAii មានប្រសាសន៍ថា Aii តែងតែចូលរួមដឹកនាំសិស្សានុសិស្សរបស់ខ្លួនក្នុងការងារសប្បុរសធម៌។ លោកបន្តថា៖ «គោលបំណងរបស់យើងគឺចង់បណ្តុះគំនិតឱ្យសិស្សានុសិស្សចេះជួយគ្នា ផ្តល់តម្លៃ និងលើកទឹកចិត្តឱ្យគ្នាទៅវិញទៅមកនៅក្នុងសង្គម ក៏ដូចជាផ្តល់ឱកាសការអប់រំសម្រាប់ទាំង់អស់គ្នា ដើម្បីបណ្តុះបណ្តាលអនាគតអ្នកបន្តរបស់ប្រទេសកម្ពុជា»។
លោក ឡាយ សុភា ក៏បានសង្កត់ធ្ងន់នូវគោលតម្លៃស្នូលរបស់ Aii ក្នុងការចូលរួមជាសកម្មភាពជាសហគមន៍នៅទូទាំងប្រទេសកម្ពុជា និងការសាងសង់សហគមន៍អ្នកសិក្សាសម្រាប់សតវត្សទី២១។ ជាក់ស្តែងនៅតំបន់ច្បារអំពៅដែល Aii គ្រោងនឹងសម្ពោធសាខាថ្មីរបស់ខ្លួននៅថ្ងៃទី២៥ ខែតុលា ឆ្នាំ២០២៣ខាងមុខនេះ។
សម្រាប់សកម្មភាពសប្បុរសដែលបានធ្វើជូន ISF Cambodia នេះដែរ គឺជាការចូលរួមផ្តល់ការគាំទ្រដល់ការលូតលាស់ធំធាត់របស់កុមារតាមរយៈទទួលបានអាហារូបត្ថម្ភគ្រប់គ្រង។ លោក ឡាយ សុភា បន្តថា «ដើម្បីឱ្យកុមារអាចលូតលាស់ធំធាត់ល្អ និងរៀនពូកែលុះត្រាតែពួកគាតបានបរិភោគគ្រប់គ្រាន់»។
គួរបញ្ជាក់ថា Aii បានបង្កើតគម្រោង «១ដុល្លារជួយជីវិត» មានការចូលរួមយ៉ាងសកម្មតាមរយៈការរៃអង្កាសប្រាក់ពីសិស្សានុសិស្ស និងលោកគ្រូ អ្នកគ្រូមកពីបណ្តាសាខារបស់ Aii ទូទាំងរាជធានីភ្នំពេញ ក្នុងនោះមានដូចជាសាខាម៉ៅសេទុង សាខាទួលគោក សាខាចាក់អង្រែ សាខាចោមចៅ សាខាផ្សារថ្មី សាខាជ្រោយចង្វារ និងសាខាច្បារអំពៅ។
កម្មវិធីសប្បុរសធម៌នេះដែរ គឺជាគំនិតផ្តួចផ្តើមឡើងផ្ទាល់ពី អ្នកឧកញ៉ា វេជ្ជបណ្ឌិត គួច ម៉េងលី ក្នុងសកម្មភាពសប្បុរសធម៌ដល់សិស្សានុសិស្ស កុមារកំព្រា ទុគ៌តជន និងប្រជាពលរដ្ឋដែលមានជីវភាពខ្វះខាត។
ចាប់តាំងពីឆ្នាំ២០០៤ មូលនិធិ ម៉េងលី ជេ. គួច បានអនុវត្តកម្មវិធី និងគម្រោងរបស់ខ្លួនយ៉ាងរលូន នៅទូទាំងរាជធានី និងខេត្តដោយមានអ្នកទទួលផលភាគច្រើនជាអ្នកជំងឺ ជនងាយរងគ្រោះ ជនមានជីវភាពក្រីក្រ និងចាស់ជរា។ មូលនិធិនេះ សហការជាមួយអង្គការក្រៅរដ្ឋាភិបាល ក្រុមហ៊ុន ឯកជន ទីភ្នាក់ងាររដ្ឋាភិបាល អាជ្ញាធរ និងក្រុមហ៊ុនបុត្តសម្ព័ន្ធ និងអង្គភាពទាំងអស់របស់ក្រុមហ៊ុន ម៉េងលី ជេ. គួច អេឌ្យូខេសិន (MJQE)។
ឈ្មោះធនាគារ: Advance Bank of Asia Limited (ABA Bank)
ឈ្មោះគណនី៖ Mengly J. Quach Education Plc
លេខគណនី៖ 001082097
SWIFT Code: ABAAKHPP
ឈ្មោះធនាគារ: ACLEDA Bank Plc
ឈ្មោះគណនី៖ Mengly J. Quach Education PLC.
លេខគណនី៖ 3473-0199-9889-79 (ប្រាក់ដុល្លារ)
លេខគណនី៖ 3473-0199-9889-89 (ប្រាក់រៀល)
SWIFT Code: ACLBKHPP
សម្រាប់ព័ត៌មានបន្ថែមពី Aii សូមទាក់ទង៖
លោក ស៊ូ ពិសែន
ប្រធានផ្នែកផ្សព្វផ្សាយ និងទីផ្សារ
អ៊ីមែល pisen.sou@aii.edu.kh
លេខទូរសព្ទ៖ 855 12 920 028